Ne zbatim te Udhezimit te kualifkimit te mesuesve Nr.2, dt 12.02.2015, dhe ne zbatim te shkreses Nr.264, dt 16.01.2017 ka nisur procedura per kualifikimin e mesuesve per vitin shkollor 2016-2017. Provimi i kualifikimit do te zhvillohet ne dt 15.04.2017. Per mbarevajtje sa me efektive te ketij procesi ju bej me dije si me poshte:

·         “ Lidhur me piken 1),c te nenit 5 te udhezimit te kualifikimit, detyrimi i mesuesve per realizimin e tre diteve te trajnimit do te llogariten ditet e trajnimit qe mesuesi ka marre nga IZHA per kurrikulen e re, portofolin e nxenesit etj. Databaza e emrave te mesuesve qe kane marre pjese ne trajnimet e vitit shkollor 2015-2016 do te vije nga IZHA. Nderkohe ne  kemi edhe databazen e mesuesve qe kane marre pjese ne trajnimet 2014-2015. Gjithashtu do te llogariten edhe trajnimet qe IZHA ka bere sipas shkollave per kurrikulen e re gjate periudhes shtator - dhjetor 2016. Pra per trajnimin e mesuesve do t'ju referoheni ketyre databazave.”

·          Lidhur me piken 2) te nenit 2 te udhezimit te kualifikimit verifikoni mire vjetersine ne pune dhe vitet ndermjet kategorive.Pra kandidati perfiton kur ploteson njekohesisht te dy kushtet.

·          Lidhur me permbajtjen e portofolit ju sqaroj si me poshte:

                   -  Plani i aktiviteteve me nxenesit e nje klase te caktuar ne kuader te shkolles si qender komunitare mund te jete plani si mesues kujdestar ose edhe si mesues i lendes. Varet nga aktivitetet qe ka planifikuar mesuesi.

                   - Testi permbledhes sipas profilit perkates mund te jete testi ne fund te periudhes se pare ne nje lende te caktuar per mesuesit qe zbatojne kurrikulen e re, ndersa mesuesit e tjere mund te planifikojne nje test kapitulli.

                  - Objektivat e arritjes per nje kapitull mund te jene "rezultatet e te nxenit" per periudhen e pare ne nje klase te caktuar (percaktuar ne planet 3-mujore) per mesuesit qe zbatojne kurrikulen e re (nuk ka nevoje ne tre nivele), ndersa per mesuesit e tjere objektivat e kapitullit siç i kane bere deri tani.

                 - Planifikimi i mesimit model duhet t'i referohet formatit te kurrikules se re per mesuesit qe e zbatojne kete kurrikul, ndersa mesuesit e tjere siç kane vepruar deri tani. 

                 - Projekti kurrikular siç eshte vepruar deri tani.

·          Programet orientuese sipas profileve do te publikohen ne faqen e IZHA-s brenda dates 31.01.2017. Gjithashtu ne faqen e IZHA-s do te publikohen edhe udhezimet/dokumentet qe mesuesit duhet t'i referohen per pergatitjen e tyre.

Konceptoi :Alqi Çabiri